“Android” planşetləri üçün “WhatsApp” messenceri təqdim ediləcək

View: 5029

“WhatsApp” messencerinin komandası planşetlərdə istifadə üçün optimallaşdırılmış və çoxdan gözlənilən proqramı təqdim etməyə hazırlaşırlar. Bu haqda “WABetaInfo” resursu məlumat verib.
 
Messencerin beta-test proqramında iştirak edən istifadəçilər artıq proqramı “Google Play” mağazasından “Android” planşetə quraşdıra bilərlər.
 
Beləliklə, planşet üçün nəzərdə tutulmuş “WhatsApp” mobil tətbiqi, hələ ki, beta-test mərhələsindədir, nasaz işləyə bilər və natamam funksionallığa malikdir.
 
Planşetdə “WhatsApp” proqramından istifadə etməkdən ötrü SİM kart üçün slota malik model lazımdır.