aznur

KVN

By KVN
2018-03-19 06:56:54

Azərbaycan Şən və Hazırcavablar Klubu Azərbaycan Respublikasının Prezidenti cənab İlham Əliyevin sərəncamına əsasən Azərbaycan Respublikasında intellektual oyunların inkişafı dövlət proqramı çərçivəsində yaradılmış və 2013-cü il oktyabrın 23-də keçirilmiş Azərbaycan Respublikasının Prezidenti Kubokundan dərhal sonra klub rəsmən fəaliyyətə başlamışdır. Ədliyyə Nazirliyində qeydiyyatdan keçmiş Azərbaycan Şən və Hazırcavablar Klubu iki istiqamətdə: Rusiya teleməkanında ölkəmizin təmsil olunması üçün komandanın yaradılması və Azərbaycanda ŞHK məktəbini bərpa etmək, müasir tendensiyalara uyğun təkmilləşdirmək və davamlı kadr axınını təmin etmək məqsədilə rəsmi Azərbaycan Regional ŞHK Liqası təşkili istiqamətində öz işini qurmuşdur. Gənclər və İdman nazirliyin təşəbbüsü ilə 2014-cü ildə təsis olunmuş Azərbaycan Regional Liqası Qafqazda ilk rəsmi ŞHK Liqası kimi tarixə düşdü, bu gün artıq dördüncü mövsümününü yaşayır. Eyni zamanda artıq üç ildir ki, fəaliyyət göstərən “Yunior Liqa” öz ətrafında 30-dan çox orta məktəb, təhsil kompleksi və gimnaziyaların komandasını toplamışdır. Azərbaycan Şən və Hazırcavablar Klubunun rəhbəri Rəşad Əzizov, direktoru Cavid Şahbazbəyovdur. 17 dekabr tarixində Bakı Musiqi Akademiyası nəzdində Opera Studiyasının Konsert salonunda Şən və Hazırcavablar Klubu IV Azərbaycan Regional Liqasının final mərhələsi keçiriləcəkdir. Final mərhələsində Azərbaycanın və xarici ölkələri təmsil edən komandalar mübarizə aparacaqlar. Final mərhələsinə biletlər şəhərin mərkəzləşdirilmiş kassalarında və ticket.az saytında əldə oluna bilər. Əlaqə nömrəsi:+994 77 600 00 60

aznur

Select your language